నందిగామ మండలంలో బాల్యవివాహం ఘటన ఆలస్యంగా వెలుగులోకి వచ్చింది. ఎనిమిదో తరగతి చదువుతున్న 13 ఏళ్ల బాలికను, కందివాడకు చెందిన 40 ఏళ్ల శ్రీనివాస్‌గౌడ్‌తో మే 28న ఆలయంలో పెళ్లి చేశారు. ఈ విషయం ఉపాధ్యాయుల దృష్టికి రావడంతో వారు పోలీసులకు సమాచారం అందించారు. దీంతో బాలిక తల్లి, వరుడు శ్రీనివాస్‌గౌడ్, పూజారి ఆంజనేయులు, మధ్యవర్తి పెంటయ్యలపై కేసు నమోదు చేశారు. బాలికను ఐసీడీఎస్‌ అధికారుల సాయంతో సఖీ కేంద్రానికి తరలించారు. ఘటనపై పోలీసులు దర్యాప్తు కొనసాగిస్తున్నారు.