కేంద్రమంత్రి అమిత్ షాపై టీపీసీసీ చీఫ్ మహేష్ గౌడ్ ఆగ్రహం | congress | kranthinews
హైదరాబాద్,క్రాంతిన్యూస్ :కేంద్ర మంత్రి అమిత్ షా చేసిన వ్యాఖ్యలపై టీపీసీసీ అధ్యక్షుడు మహేష్ కుమార్ గౌడ్ తీవ్రంగా స్పందించారు. కాంగ్రెస్ పార్టీ నక్సల్స్‌కు మద్దతిస్తున్నదన్న ఆరోపణలు అసత్యమని, బీజేపీకి నైతిక హక్కు లేదని వ్యాఖ్యానించారు."ఆపరేషన్ కగార్‌లో శాంతి చర్చల కోసం ప్రయత్నించినాం. అదే తప్పా? దేశంపై దాడి చేసిన ఉగ్రవాదులపై బీజేపీ తీరును దేశం మొత్తం చూశింది. ట్రంప్ మాటకు నొచ్చుకొని మీరు వెనక్కి తగ్గినపుడు మేమేం చేశాం?" అని గౌడ్ ప్రశ్నించారు.జూలై 4న ఎల్బీ స్టేడియంలో జరగనున్న గ్రామస్థాయి కాంగ్రెస్ నేతల సభలో ఏఐసీసీ అధ్యక్షుడు మల్లికార్జున ఖర్గే ముఖ్య అతిథిగా హాజరవుతారని తెలిపారు. ఈ సభకు సుమారు 25,000 మంది నేతలు హాజరవుతారని చెప్పారు. సోమవారం రోజున సభ ఏర్పాట్లను పీసీసీ నేతలు పరిశీలించారు.
రేవంత్ పాలనలో గురుకులాల పరిస్థితి దయనీయంగా మారింది – హరీష్ రావు | kranthinews
హైదరాబాద్: తెలంగాణలో గురుకుల విద్యాసంస్థలు రేవంత్ రెడ్డి పాలనలో నిర్వీర్యమవుతున్నాయని బీఆర్ఎస్ సీనియర్ నేత, మాజీ మంత్రి తన్నీరు హరీష్ రావు ఆవేదన వ్యక్తం చేశారు. సోషల్ మీడియా వేదికగా ట్వీట్ చేసిన ఆయన, విద్యా రంగ neglect వల్ల లక్షలాది మంది ఎస్సీ, ఎస్టీ, బీసీ విద్యార్థుల భవిష్యత్తు ప్రమాదంలో పడుతోందన్నారు. కాంట్రాక్టర్ల బిల్లులు క్లియర్ చేయకపోవడంతో కోడిగుడ్లు, మాంసం, పండ్ల సరఫరా ఆగిపోయిందని, ఇకపై పూర్తిగా ఆహార సరఫరా నిలిచే పరిస్థితి ఉందన్నారు. 13 నెలలుగా అద్దె బకాయిలు చెల్లించకపోవడంతో భవన యజమానులు తాళాలు వేస్తున్నారని అన్నారు.ఇప్పటికీ స్కూల్ యూనిఫామ్‌లు, బూట్లు, బ్యాగులు ఇవ్వకపోవడం శోచనీయమని విమర్శించారు. గత పదేళ్లలో అభివృద్ధి చెందిన గురుకులాల ప్రతిష్ట క్షీణిస్తోందని, వెంటనే బకాయిలు చెల్లించి, పిల్లల భవిష్యత్తు కాపాడాలని ప్రభుత్వాన్ని డిమాండ్ చేశారు.
సాయిచంద్ రెండో వర్ధంతి సందర్బంగా కాంస్య విగ్రహం ఏర్పాటు | kranthinews
సాయిచంద్ రెండో వర్ధంతి సందర్బంగా కాంస్య విగ్రహం ఏర్పాటు సాయిచంద్ కాంస్య విగ్రహాన్ని ఆవిష్కరించిన మాజీ మంత్రి హరీష్ రావు, మాజీమంత్రులు, ఎమ్మెల్యేలు తెలంగాణ మలిదశ ఉద్యమ కళాకారుడు సాయిచంద్ రెండో వర్ధంతి సందర్భంగా వనపర్తి జిల్లా అమరచింత మండల కేంద్రంలో రజిని సాయిచంద్ ఆధ్వర్యంలో ఏర్పాటు చేసిన కాంస్య విగ్రహాన్ని మాజీ మంత్రి సిద్ధిపేట ఎమ్మెల్యే హరీష్ రావు ఆవిష్కరించారు.
మొరిపిరాలలో సేవా కార్యక్రమాలు నిర్వహించిన పరుపటి శ్రీనివాస్ రెడ్డి | kranthinews
వరంగల్ జిల్లా రాయపర్తి మండలం మొరిపిరాలలో బీఆర్ఎస్ నేత, SRR ఫౌండేషన్ చైర్మన్ పరుపటి శ్రీనివాస్ రెడ్డి పర్యటించారు. ఇటీవల మృతిచెందిన పెద్దగోని కొమురయ్య చిత్రపటానికి నివాళులు అర్పించారు. అనంతరం అనారోగ్యంతో ఉన్న బీఆర్ఎస్ నాయకులు భాస్కర్, సత్యనారాయణ, రజ్యా కుటుంబాలను పరామర్శించి ఆర్థిక సహాయం అందించారు. ఈ కార్యక్రమంలో మండల పార్టీ నాయకులు, ఫౌండేషన్ ప్రతినిధులు, స్థానిక ప్రముఖులు పాల్గొన్నారు.
బాల కార్మిక నిర్మూలనపై కఠిన చర్యలు తీసుకుంటాం – రాచకొండ సీపీ సుధీర్ బాబు| kranthinews
రాచకొండ:బాల కార్మిక వ్యవస్థను సమూలంగా నిర్మూలించేందుకు కఠిన చర్యలు తీసుకుంటామని రాచకొండ పోలీస్ కమిషనర్ జి. సుధీర్ బాబు స్పష్టం చేశారు. నేరదేమెట్‌లోని రాచకొండ కమిషనరేట్ కార్యాలయంలో జరిగిన ఆపరేషన్ ముస్కాన్-XI సమావేశంలో ఆయన మాట్లాడారు.పిల్లల బాల్యాన్ని నాశనం చేసే బాల కార్మిక వ్యవస్థను సమాజం నుంచి తొలగించాల్సిన బాధ్యత ప్రతి ఒక్కరిపై ఉందన్నారు. పేదరికం వల్ల బాలలు నేరశృంఖలలోకి వెళ్తున్నారన్న ఆయన, ప్రభుత్వ పథకాలను తల్లిదండ్రులు ఉపయోగించుకోవాలని సూచించారు.మానవ అక్రమ రవాణా, బాల కార్మిక నిర్మూలనపై ప్రత్యేక బృందాల ద్వారా చర్యలు తీసుకుంటున్నామని తెలిపారు. వలస కార్మికుల పిల్లల కోసం వర్క్‌సైట్ పాఠశాలలు ఏర్పాటు చేశామని చెప్పారు.ఈ కార్యక్రమంలో పలువురు పోలీసు, రెవెన్యూ, ఆరోగ్య, విద్యా శాఖల అధికారులు, NGO ప్రతినిధులు పాల్గొన్నారు.
బీజేపీకి రాజీనామా చేసిన ఎమ్మెల్యే రాజా సింగ్ | kranthinews
హైదరాబాద్: తెలంగాణ బీజేపీ రాష్ట్ర అధ్యక్ష పదవికి నామినేషన్ల ప్రక్రియ కొనసాగుతున్న సమయంలో గోషామహాల్ ఎమ్మెల్యే రాజా సింగ్ కీలక నిర్ణయం తీసుకున్నారు. ఆయన సోమవారం బీజేపీకి రాజీనామా చేశారు.తన రాజీనామా లేఖను బీజేపీ రాష్ట్ర అధ్యక్షుడు, కేంద్ర మంత్రి జి. కిషన్ రెడ్డికి స్వయంగా అందజేశారు. నామినేషన్ వేయడానికి వచ్చిన సమయంలో తనను అడ్డుకున్నారని రాజా సింగ్ పేర్కొన్నారు. పార్టీ లోపల జరుగుతున్న పరిణామాలను చూసి ఈ నిర్ణయం తీసుకున్నట్లు స్పష్టం చేశారు.
పరకాల‌లో పదవ తరగతి విద్యార్థినీ ఆత్మహత్య | kranthinews
హనుమకొండ జిల్లా, పరకాల:పరకాల పట్టణంలోని టీజిడబ్ల్యూఆర్ఎస్ (TGWRS) జూనియర్ కాలేజ్ మరియు పాఠశాలలో విషాదం చోటు చేసుకుంది. శ్రీవాణి అనే పదవ తరగతి విద్యార్థినీ ఉరివేసుకుని ఆత్మహత్యకు పాల్పడింది.ఈ ఘటనను గమనించిన ఉపాధ్యాయులు వెంటనే పోలీసులకు సమాచారం అందించారు. సంఘటన స్థలానికి చేరుకున్న పోలీసులు మృతదేహాన్ని స్వాధీనం చేసుకొని కేసు నమోదు చేసి దర్యాప్తు ప్రారంభించారు. విద్యార్థిని ఆత్మహత్యకు పాల్పడడానికి గల కారణాలు ఇంకా తెలియరాలేదు.
పాశమైలారం ప్రమాదం – వెలుగులోకి షాకింగ్ నిజాలు!
సంగారెడ్డి జిల్లా పటాన్‌చెరులోని పాశమైలారం పారిశ్రామికవాడలో జూన్ 30న జరిగిన ఘోర రసాయన పేలుడు 40 మంది కార్మికుల ప్రాణాలు బలిగొన్న విషాదకర ఘటనగా నిలిచింది. సిగాచి ఫ్యాక్టరీలోని రియాక్టర్ పేలిపోవడం వల్ల ఈ ప్రమాదం జరిగింది. ఈ ప్రమాదంలో మృతులలో బీహార్, ఒడిశా, ఎపీ, తెలంగాణ కార్మికులు ఉన్నారు. FIR ప్రకారం, ఫ్యాక్టరీలో పాత మెషినరీ, తగిన భద్రతా ప్రమాణాల లేవని పోలీసులు పేర్కొన్నారు. రియాక్టర్ పేలుడు తీవ్రతకు ఫ్యాక్టరీ మూడు అంతస్తుల భవనం కూలిపోవడంతో కార్మికులు దూరంగా ఎగిరిపడ్డారు. దాదాపు 35 మంది గాయపడి ఆసుపత్రుల్లో చికిత్స పొందుతున్నారు. DNA పరీక్షల ద్వారానే కొన్ని మృతదేహాలను గుర్తించే పరిస్థితి నెలకొంది. 57 మంది సురక్షితంగా బయటపడ్డారు. సహాయక చర్యలు ఇంకా కొనసాగుతున్నాయి. ముఖ్యమంత్రి రేవంత్ రెడ్డి ఘటన స్థలాన్ని పరిశీలించి, మృతుల కుటుంబాలకు రూ.1 కోటి, గాయపడిన వారికి సాయం ప్రకటించారు. ప్రధాని మోదీ PMNRF నుండి ఎక్స్‌గ్రేషియా ప్రకటించారు. ప్రభుత్వం ఈ ఘటనపై ఉన్నతస్థాయి విచారణకు ఆదేశాలు జారీ చేసింది.
కేంద్రానికి మంత్రి తుమ్మల లేఖ: యూరియా కొరతపై స్పందన కోరుతూ విజ్ఞప్తి | krtvgroup
తెలంగాణలో ఖరీఫ్ సీజన్‌ ప్రారంభమైన నేపథ్యంలో, రాష్ట్రానికి తగినంత యూరియా అందించాలని కేంద్రాన్ని మంత్రి తుమ్మల నాగేశ్వరరావు కోరారు. యూరియా కొరతను ఎదుర్కొనడంలో తక్షణ చర్యలు తీసుకోవాలని ఆయన కేంద్ర మంత్రి జగత్ ప్రకాష్ నడ్డా, కిషన్ రెడ్డి, బండి సంజయ్‌లకు లేఖలు రాశారు.ఏప్రిల్ నుంచి జూన్ వరకు కేటాయించిన 5 లక్షల టన్నుల్లో 3.06 లక్షల టన్నులే రాష్ట్రానికి వచ్చాయని, 1.94 లక్షల టన్నుల లోటు ఉన్నట్లు తెలిపారు. జులైలో 1.60 లక్షల టన్నులు రావాల్సి ఉన్నా, అందులో 60% ఇంపోర్టెడ్ యూరియా ఉండటం ఆందోళన కలిగిస్తోంది. నౌకల లభ్యత లేదని, సరఫరా ఆలస్యం అయ్యే అవకాశముందని మంత్రి వివరించారు. ఇంపోర్టెడ్ యూరియాకు తక్షణంగా నౌకల కేటాయింపుతో పాటు, ఆర్‌ఎఫ్‌సీఎల్ నుండి రాష్ట్రానికి స్వదేశీ యూరియా సరఫరా 60 వేల టన్నులకు పెంచాలని, అలాగే గత త్రైమాసికంలో తలెత్తిన లోటును భర్తీ చేసేందుకు అదనపు కోటా కేటాయించాలని కోరారు.
లంచం తీసుకుంటూ ఎంఆర్‌ఓ ఏసీబీకి దొరికాడు – రైతుల సంబరాలు
రంగారెడ్డి జిల్లా తలకొండపల్లి మండలం అంతారం గ్రామంలో ఎంఆర్‌ఓ నాగార్జున, వీఆర్ఏ యాదగిరి లంచం తీసుకుంటూ ఏసీబీ అధికారులకు రెడ్‌హ్యాండెడ్‌గా పట్టుబడ్డారు. భూమి పేరు మార్పిడి కోసం రూ.10 వేల లంచం కోరినట్టు రైతు మల్లయ్య ఫిర్యాదు చేయగా, మంగళవారం ఏసీబీ అధికారులు జరిపిన ఆపరేషన్‌లో వారిని పట్టుకున్నారు. ఈ అరెస్ట్ వార్త స్థానికంగా హాట్‌టాపిక్‌గా మారింది. రైతులు టపాకాయలు కాల్చి, స్వీట్లు పంచుకుని సంబరాలు జరిపారు. స్థానికుల అభిప్రాయం ప్రకారం, ఎంఆర్‌ఓపై ఇది కొత్త ఆరోపణ కాదు — గతంలో కూడా లంచాలకు పాల్పడ్డారని ఆరోపణలు ఉన్నాయి. ఈ ఘటనతో రెవెన్యూ శాఖలోని అవినీతి మరోసారి చర్చనీయాంశమైంది. ప్రజలు ఇలాంటి చర్యలపై ప్రభుత్వం కఠిన చర్యలు తీసుకోవాలని డిమాండ్ చేస్తున్నారు.
ఇనుపరాడ్డుతో యువకుడి హత్య..
నార్సింగి పోలీస్ స్టేషన్ పరిధిలోని పుప్పాలగూడలో ఓ యువకుడిని గుర్తు తెలియని వ్యక్తులు ఇనుపరాడ్డుతో గొంతు కోసి దారుణంగా హత్య చేశారు. ఈ దృశ్యాన్ని గమనించిన స్థానికులు పోలీసులకు సమాచారం ఇచ్చారు. పోలీసులు ఘటన స్థలానికి చేరుకుని మృతదేహాన్ని పోస్టుమార్టం కోసం ప్రభుత్వ దవాఖానకు తరలించారు. వివాహేతర సంబంధం లేదా ఆర్థిక వివాదం హత్యకు కారణమా అన్న కోణంలో పోలీసులు దర్యాప్తు చేస్తున్నారు. పూర్తి వివరాలు ఇంకా తెలియాల్సి ఉంది.
సంగారెడ్డి జిల్లా చేరియాల్‌గుట్ట వద్ద ఎస్‌ఐ దుర్మరణం
సంగారెడ్డిలో జరిగిన ఘోర రోడ్డు ప్రమాదంలో ఫిల్మ్‌నగర్ పోలీస్‌స్టేషన్‌కు చెందిన ఎస్‌ఐ రాజేశ్వర్ గౌడ్ ప్రాణాలు కోల్పోయారు. బుధవారం రాత్రి అతివేగంగా వచ్చిన లారీ, ఆయన ప్రయాణిస్తున్న కారును ఢీకొనడంతో ఈ ప్రమాదం జరిగింది. వివరాల్లోకి వెళితే, బల్కంపేట ఎల్లమ్మ ఆలయం వద్ద బందోబస్తు పూర్తి చేసి స్వగ్రామం వెళ్తుండగా ఈ ప్రమాదం జరిగింది. పోలీసులు ఘటనా స్థలానికి చేరుకుని మృతదేహాన్ని ఆసుపత్రికి తరలించారు. లారీ డ్రైవర్‌ను అదుపులోకి తీసుకుని దర్యాప్తు చేస్తున్నారు. 1990 బ్యాచ్‌కి చెందిన రాజేశ్వర్ గౌడ్ ఇటీవలే ఫిల్మ్‌నగర్‌లో ఎస్‌ఐగా చేరారు. కాగా, వారం రోజుల్లోనే ఈ విషాదం చోటు చేసుకోవడం తోటి పోలీసు సిబ్బందిని కలచివేసింది. ఆయనకు భార్య, ఇద్దరు పిల్లలు ఉన్నారు.
132 లో 1-12 చూపిస్తోంది