భారతీయ రైల్వే ప్రీమియం రైలు తేజస్‌ ఎక్స్‌ప్రెస్‌లో వడ్డించిన భోజనంపై ఆమ్‌ ఆద్మీ పార్టీ నేత సంజయ్ సింగ్‌ భార్య అనితా సింగ్ అసంతృప్తి వ్యక్తం చేశారు. తక్కువ నాణ్యతతో ఉన్న భోజనం కారణంగా ఆమె తీవ్ర అసహనం వ్యక్తం చేస్తూ, అందించిన రోటీ పాపడ్‌లా గట్టిగా ఉందని, పప్పు నీళ్లలా ఉందని పేర్కొన్నారు. ఈ విషయాన్ని ఆమె సోషల్ మీడియా వేదికగా పంచుకున్నారు. ఇప్పటికే రైళ్లలో భోజన నాణ్యతపై అనేకమంది ప్రయాణికులు పలు సందర్భాల్లో అభ్యంతరాలు వ్యక్తం చేస్తున్నప్పటికీ, అనుభవాలు మారకపోవడంపై విమర్శలు వస్తున్నాయి.