బెట్టింగ్ యాప్‌ల ప్రచారానికి సంబంధించి మనీ లాండరింగ్ కేసులో ప్రముఖ నటుడు ప్రకాశ్ రాజ్ బుధవారం ఈడీ విచారణకు హాజరయ్యారు. ఈ వ్యవహారంలో 29 మంది సినీ ప్రముఖులు, యూట్యూబర్లు, ఇన్‌ఫ్లుయెన్సర్లపై కేసులు నమోదు కాగా, వారి ప్రమోషన్ల వల్ల అనేక మంది మోసపోయినట్టు ఆరోపణలు ఉన్నాయి. ఇప్పటికే పంజాగుట్ట, మియాపూర్, సూర్యాపేట, విశాఖల్లో నమోదైన కేసుల ఆధారంగా ఈడీ దర్యాప్తు చేపట్టింది. హవాలా మార్గంలో డబ్బులు పంపిన అంశంపై కూడా ఈడీ విచారణ జరుపుతోంది. ఇతర సినీ ప్రముఖులు విజయ్ దేవరకొండ, రానా, మంచు లక్ష్మిలకు కూడా నోటీసులు జారీయ్యాయి.