తెలంగాణలో మరోసారి వర్షాలు ముప్పుతిప్పలు పెట్టే అవకాశం ఉంది. అల్పపీడనం, ఉపరితల చక్రవాతం, రుతుపవన ద్రోణి ప్రభావంతో రాష్ట్రంలో ఆగస్ట్ 16 నుంచి వచ్చే మూడు రోజులపాటు భారీ నుంచి అతి భారీ వర్షాలు కురిసే అవకాశముందని వాతావరణ శాఖ హెచ్చరించింది.ఉరుములు, మెరుపులు, ఈదురు గాలులతో (గాలి వేగం గంటకు 40-50 కిమీ) వర్షాలు కురవనున్నట్లు తెలిపింది. ఆదిలాబాద్, నిజామాబాద్, ములుగు, జయశంకర్ భూపాలపల్లి, మేడక్, మంచిర్యాల, ఖమ్మం, కరీంనగర్, హన్మకొండ, రాజన్న సిరిసిల్ల తదితర జిల్లాల్లో అక్కడక్కడ భారీ వర్షాలు పడే అవకాశం ఉంది.ప్రజలు అప్రమత్తంగా ఉండాలని, అధికారులు తగు జాగ్రత్తలు తీసుకోవాలని వాతావరణ శాఖ సూచించింది.