టాలీవుడ్‌లో రీ-రిలీజ్ ట్రెండ్ జోరుగా నడుస్తోంది. ఈ క్రమంలో ‘బాహుబలి – The Epic’ అనే స్పెషల్ ఎడిషన్ ప్లాన్ అయ్యింది. ఇందులో ‘బాహుబలి 1: ది బిగినింగ్’ & ‘బాహుబలి 2: ది కంక్లూజన్’ ను కలిపి, మొత్తం సుమారు 3 గంటల 15 నిమిషాలకి కుదించగా, అక్టోబర్ 31న థియేటర్లలో విడుదల కానుంది. దర్శకుడు ఎస్.ఎస్. రాజమౌళి ప్రకారం, యుద్ధ సన్నివేశాలు, అమరేంద్ర-భల్లాలదేవ మధ్య క్లాష్, దేవసేన కోణం వంటివి యథాతథంగా ఉంటాయి. అయితే రొమాంటిక్ సీన్స్, కొన్ని పాటలు తొలగించబడ్డాయి. ఈ ప్రత్యేక ఎడిషన్ ప్రేక్షకులకు కొత్త అనుభూతి, ప్రత్యేక ఎపిక్ అనుభూతిని అందించనుందని రాజమౌళి తెలిపారు.