బిర్యానీ అంటే ఎక్కువగా మనం దమ్, ఫ్రై, చికెన్ దమ్ లాంటివే వింటాం. కానీ ఒకప్పుడు ప్రత్యేకంగా ప్రాచుర్యం పొందిన “ముత్యాల బిర్యానీ” గురించి చాలా మందికి తెలియదు.చరిత్ర ప్రకారం, నవాబ్ వజీద్ అలీ షా ఈ బిర్యానీని పరిచయం చేశారని చెబుతారు. ఉడికించిన గుడ్లను బంగారం, వెండి ర్యాపర్లలో చుట్టి ముత్యాల్లా తయారు చేసి చికెన్ స్టఫ్‌తో ఈ వంటకం చేసేవారట. కాలక్రమేణా, ఇప్పుడు ఈ బిర్యానీని కోఫ్తాలతో తయారు చేస్తున్నారు.అదే విధంగా, కోల్‌కతా బిర్యానీకి కూడా ఇదే నవాబ్ వజీద్ అలీ షా మూలం. ఒకప్పుడు ఆయన వద్ద మాంసం కొనడానికి డబ్బులు లేకపోవడంతో వంటవారు ఆలుగడ్డలతో బిర్యానీ వండారట. అప్పటి నుండి కోల్‌కతా వెజ్ బిర్యానీ అక్కడి ప్రత్యేక రుచిగా మారింది.