హైదరాబాద్‌లోని చిత్రపురి హౌసింగ్ సొసైటీకి సంబంధించి ₹300 కోట్ల మేర నిధుల దుర్వినియోగం జరిగిందని ఆరోపిస్తూ సినీ కార్మికులు బుధవారం FDC కార్యాలయం ముందు పెద్ద ఎత్తున నిరసన చేపట్టారు. సొసైటీ అధ్యక్షుడు వల్లభనేని అనిల్ కుమార్ అవినీతికి పాల్పడుతున్నారని, నిజమైన సభ్యులకు ఇళ్లు దక్కకుండా ఫ్లాట్లు బ్లాక్ మార్కెట్‌లో అమ్ముతున్నారని వారు ఆగ్రహం వ్యక్తం చేశారు. ఆయనను వెంటనే అరెస్ట్ చేయాలని డిమాండ్ చేశారు. ప్రధానంగా వారు పేర్కొన్న అంశాలు ఇవే: 20–25 ఏళ్లుగా ఎదురుచూస్తున్న 6,000 మంది సభ్యులకు వెంటనే ఇళ్లు కేటాయించాలి కొత్తగా ప్రకటించిన 1,000 సభ్యత్వాల నియామకాన్ని రద్దు చేయాలి ప్రస్తుత కమిటీని రద్దు చేసి అడ్-హాక్ కమిటీని నియమించాలి కొత్తగా నిర్మించే టవర్లలో కేవలం అర్హులైన సినీ కార్మికులకే సింగిల్, డబుల్ బెడ్‌రూమ్ ఇళ్లు ఇవ్వాలి కోర్టు ఆదేశాలను అమలు చేయని అధికారులపై కఠిన చర్యలు తీసుకోవాలి