హైదరాబాద్‌లో ఆగస్టు 16న జరగనున్న సంతోషం సౌత్ ఇండియన్ ఫిల్మ్ & ఓటీటీ అవార్డ్స్ 2025 కార్యక్రమానికి ఆంధ్రప్రదేశ్ ముఖ్యమంత్రి నారా చంద్రబాబు నాయుడిని ఆహ్వానించినట్లు సంతోషం మ్యాగజైన్ వ్యవస్థాపకుడు సురేష్ కొండేటి తెలిపారు.మంగళవారం విజయవాడలోని సీఎం క్యాంప్ కార్యాలయంలో చంద్రబాబుతో భేటీ అయిన సురేష్, అవార్డుల వేడుక వివరాలు తెలియజేశారు. 24 ఏళ్లుగా సినీ ప్రతిభను గుర్తించి సంతోషం అవార్డుల ద్వారా గౌరవిస్తూ వస్తున్నామని ఆయన పేర్కొన్నారు.ఇండస్ట్రీ అభివృద్ధికి ఎప్పుడూ మద్దతుగా నిలిచే సీఎం చంద్రబాబు, ఈ అవార్డుల ద్వారా టాలెంట్‌కు మరింత ప్రోత్సాహం లభిస్తుందని అభినందించారు. ఆహ్వానంపై ఆయన సానుకూలంగా స్పందించినట్లు సురేష్ కొండేటి వెల్లడించారు.