తెలంగాణలోని యూనివర్సిటీల్లో ఖాళీ పోస్టుల భర్తీ ఇంకా ప్రారంభం కాలేదు. ప్రభుత్వం నాలుగు నెలల క్రితం గైడ్‌లైన్స్ విడుదల చేసినప్పటికీ, రిక్రూట్‌మెంట్ ప్రక్రియ ముందుకు సాగడం లేదు. రాష్ట్రవ్యాప్తంగా మంజూరైన 2,878 పోస్టుల్లో కేవలం 753 మాత్రమే పనిచేస్తుండగా, 2,125 ఖాళీలు భర్తీ కాని స్థితిలో ఉన్నాయి. వర్సిటీ ఎగ్జిక్యూటివ్ కౌన్సిల్ సమావేశాలు పూర్తి కాకపోవడం, రోస్టర్ పాయింట్ల తయారీ ఆలస్యం కావడం ప్రధాన కారణాలుగా కనిపిస్తున్నాయి. ఈ నేపథ్యంలో విద్యార్థి సంఘాలు, ఉపాధ్యాయ సంఘాలు సీఎం రేవంత్ రెడ్డి తక్షణం జోక్యం చేసుకోవాలని కోరుతున్నాయి.