జమ్ముకశ్మీర్‌లో అమర్‌నాథ్ యాత్రకు భక్తుల రద్దీ కొనసాగుతోంది. జులై 2న ప్రారంభమైన యాత్రలో ఇప్పటివరకు 3.21 లక్షల మందికిపైగా భక్తులు మంచు లింగాన్ని దర్శించుకున్నారని అధికారులు తెలిపారు. పహల్గాం ఉగ్రదాడి అనంతరం యాత్ర రూట్లలో భద్రత కట్టుదిట్టంగా అమలు చేస్తున్నారు. నో ఫ్లైయింగ్ జోన్‌గా మార్గాలను ప్రకటించారు. భక్తులు పహల్గాం, బాల్తాల్ మార్గాల ద్వారా కాలినడకన లేదా పోనీలపై వెళ్లి లింగాన్ని దర్శిస్తున్నారు. ఈ యాత్ర ఆగస్టు 9న శ్రావణ పూర్ణిమనాటికి ముగియనుంది. మొత్తం 5 లక్షల మందికిపైగా భక్తులు ఈసారి పాల్గొనే అవకాశం ఉంది.