మెటా కంపెనీకి చెందిన మెసింజర్ యాప్ వాట్సాప్ సేవల్లో సోమవారం మధ్యాహ్నం అంతరాయం ఏర్పడింది. భారత్‌లోని యూజర్లు మెసేజ్‌లు పంపడం, స్టేటస్ అప్‌లోడ్ చేయడం వంటి సమస్యలను ఎదుర్కొన్నారు. డౌన్‌డిటెక్టర్ వెబ్‌సైట్ ప్రకారం, దాదాపు 410 పైగా ఫిర్యాదులు వచ్చినట్టు తెలిపింది. యూజర్లలో 54 శాతం సర్వర్ కనెక్షన్ సమస్యలు, 24 శాతం డెస్క్‌టాప్ సమస్యలు, 22 శాతం మొబైల్ యాప్ సమస్యలు ఎదుర్కొన్నారు. సమస్య కారణంగా #WhatsAppDown హ్యాష్‌ట్యాగ్ సోషల్ మీడియాలో ట్రెండింగ్‌లో ఉంది.