భారత క్రికెట్ నియంత్రణ మండలి (BCCI)తో ఉన్న జెర్సీ స్పాన్సర్ ఒప్పందాన్ని డ్రీమ్‌11 రద్దు చేసుకుంది. 2023లో మూడు సంవత్సరాలకు రూ.358 కోట్లకు కుదిరిన ఈ ఒప్పందం తాజాగా కేంద్రం తీసుకొచ్చిన ఆన్‌లైన్ గేమింగ్ బిల్లు – 2025 కారణంగా నిలిచిపోయింది. నిబంధనల ప్రకారం డ్రీమ్‌11పై జరిమానా విధించే అవకాశం లేకపోవడంతో, కంపెనీ పెద్ద నష్టం లేకుండానే తప్పుకుంది. దీంతో ఆసియా కప్ ముందు టీమ్‌ఇండియాకు కొత్త స్పాన్సర్‌ను వెతికే కష్టంలో బీసీసీఐ పడింది. టాటా, రిలయన్స్, అదానీతో పాటు ఫిన్‌టెక్ సంస్థలు కూడా రేసులోకి వచ్చే అవకాశం ఉందని చర్చ జరుగుతోంది.