ఆగస్టు 22న విడుదలైన పరదా సినిమాకు మిశ్రమ స్పందన వస్తున్న నేపథ్యంలో హీరోయిన్ అనుపమ పరమేశ్వరన్ స్పందించింది. విజయోత్సవ సభలో ఆమె మాట్లాడుతూ, కమర్షియల్ సినిమాల్లో తప్పులు ఉన్నా పెద్దగా పట్టించుకోరని, కానీ కొత్తగా, నాయికా ప్రాధాన్యంతో వచ్చిన చిత్రాల్లో మాత్రం విమర్శలు ఎక్కువగా ఎదురవుతాయని తెలిపింది. కొత్త ప్రయోగాలను ప్రోత్సహించాలని కోరింది. దర్శకుడు ప్రవీణ్ కండ్రేగుల మాట్లాడుతూ, మంచి కంటెంట్‌పై దృష్టి పెట్టి ఈ సినిమా చేశామని, కానీ కొందరు తప్పులనే వెతుకుతున్నారని అన్నారు. ముఖం కనిపించని పాత్రలో నటించిన అనుపమ ధైర్యం ప్రశంసనీయం అని, ఆమెకు జాతీయ అవార్డు రావాలని ఆకాంక్షించారు.