దర్శకుడు మెహర్ రమేష్ పవన్ కళ్యాణ్‌తో భవిష్యత్తులో సినిమా చేయాలనే తన ఆశయాన్ని బయటపెట్టాడు. చిరంజీవితో ఎలా సినిమా తీశానో, పవన్‌తో కూడా ఖచ్చితంగా సినిమా తీయబోతున్నానని వ్యాఖ్యానించాడు. అయితే ఈ మాటలపై పవన్ అభిమానులు తీవ్రంగా ట్రోల్ చేస్తున్నారు. "భోళా శంకర్" వంటి డిజాస్టర్ ఇచ్చిన తర్వాత నీకు ఇంకా ఛాన్స్‌లేంటని ఎద్దేవా చేస్తున్నారు. మెహర్ రమేష్ దర్శకత్వంలో గతంలో ఎన్టీఆర్‌తో "కంత్రి", "శక్తి", ప్రభాస్‌తో "బిల్లా", వెంకటేష్‌తో "షాడో", చిరంజీవితో "భోళా శంకర్" సినిమాలు వచ్చాయి. వీటిలో "బిల్లా" తప్ప మిగతా చిత్రాలన్నీ ఆశించిన విజయం సాధించలేకపోయాయి. "భోళా శంకర్" తర్వాత మళ్లీ మెహర్ రంగంలోకి రావడంతో ఆయన వ్యాఖ్యలు పవన్ ఫ్యాన్స్‌ను ఆశ్చర్యానికి గురి చేశాయి. చిరంజీవి కుటుంబ బంధంతో అవకాశం ఇచ్చినా అది సరిగా వినియోగించుకోలేదని ఆరోపిస్తున్నారు. పవన్ ఫ్యాన్స్ మాత్రం, “ఇక తను సినిమాలు తీయకుండా, ప్రశాంతంగా విశ్రాంతి తీసుకుంటే మంచిదని” సెటైర్లు వేస్తున్నారు. కొందరు మాత్రం, మంచి కథ ఉంటే ప్రయత్నించవచ్చని అభిప్రాయపడుతున్నారు.