అమరావతి: రాష్ట్రంలోని 6,100 కానిస్టేబుళ్ల నియామకాలకు సంబంధించి తుది ఫలితాలను శుక్రవారం విడుదల చేశారు. మంగళగిరిలోని డీజీపీ కార్యాలయంలో హోంమంత్రి అనిత ఫలితాలను అధికారికంగా ప్రకటించారు. కార్యక్రమంలో డీజీపీ హరీష్ కుమార్ గుప్తా, రిక్రూట్‌మెంట్ బోర్డు ఛైర్మన్ ఆర్.కె. మీనా తదితరులు పాల్గొన్నారు. గండి నానాజి (168 మార్కులు) తో మొదటి స్థానం, జి.రమ్య మాధురి (159) తో రెండో స్థానం, మెరుగు అచ్యుతారావు (144.5) తో మూడో స్థానాన్ని దక్కించుకున్నారు.