బిహార్ రాష్ట్రంలోని గయాలో ఒక దంపతుల మధ్య చిన్న వివాదం భయానకంగా మారింది. ఖిజ్రాసరాయ్ పోలీస్‌స్టేషన్ పరిధిలో చోటుచేసుకున్న ఈ సంఘటన అందరినీ షాక్‌కు గురిచేసింది. మాటామాటా పెరిగి గొడవగా మారడంతో, భార్య తీవ్ర ఆగ్రహంతో భర్త నాలుకను కొరికి మింగేసింది. తీవ్రంగా గాయపడిన భర్తను స్థానికులు వెంటనే ప్రభుత్వ ఆస్పత్రికి తరలించగా, రక్తస్రావం ఎక్కువగా ఉండటంతో మగధ్ వైద్య కళాశాలకు రిఫర్ చేశారు. డాక్టర్ల ప్రకారం అతని పరిస్థితి విషమంగా ఉన్నట్లు సమాచారం. ఆశ్చర్యకరమైన విషయం ఏంటంటే, ఆస్పత్రిలోకి వెళ్లిన తరువాత కూడా దంపతుల మధ్య గొడవ కొనసాగిందని గ్రామస్తులు చెబుతున్నారు. ఈ ఘటనపై ఇంకా ఎటువంటి పోలీస్ ఫిర్యాదు నమోదవలేదని అధికారులు వెల్లడించారు.