గూగుల్‌ పెద్ద ఎత్తున యూట్యూబ్‌ ఛానల్స్‌పై చర్యలు తీసుకుంది. ప్రపంచవ్యాప్తంగా 11 వేలకుపైగా ఛానల్స్‌ను బ్లాక్ చేసినట్లు వెల్లడించింది. ఇందులో ఎక్కువగా చైనా (7,700 ఛానల్స్) మరియు రష్యా (2,000 పైగా ఛానల్స్)కు చెందినవే ఉన్నాయి. చైనాలో అధ్యక్షుడు జిన్‌పింగ్‌ను కొనియాడే విధంగా, రష్యాలో నాటో, ఉక్రెయిన్‌ను విమర్శించేలా ఉన్న వీడియోల కారణంగా వీటిని తొలగించినట్లు గూగుల్‌ తెలిపింది. అంతేకాక, ఇజ్రాయెల్‌, తుర్కియే, ఇరాన్‌ సహా పలు దేశాల ఛానల్స్‌పై మత విద్వేషాలు, అసత్య ప్రచారాల నేపథ్యంలో చర్యలు తీసినట్లు పేర్కొంది. ఇదివరకే ఈ ఏడాది తొలి త్రైమాసికంలో గూగుల్ దాదాపు 23,000 అకౌంట్లను తొలగించింది.