గూగుల్ పిక్సెల్ 10 సిరీస్‌లో మూడు కొత్త ఫోన్లను విడుదల చేసింది. పిక్సెల్ 10, పిక్సెల్ 10 ప్రో, పిక్సెల్ 10 ప్రో ఎక్స్ఎల్ పేర్లతో ఈ ఫోన్లు భారత మార్కెట్లో అందుబాటులోకి వచ్చాయి. పిక్సెల్ 10లో 6.3 ఇంచుల OLED ఫుల్ హెచ్‌డీ+ డిస్‌ప్లే, 120Hz రిఫ్రెష్‌రేట్‌తో పాటు 3000 నిట్స్ పీక్ బ్రైట్‌నెస్ ఉంది. పిక్సెల్ 10 ప్రోలో 1.5K రిజల్యూషన్‌తో 6.3 ఇంచుల 120Hz డిస్‌ప్లే, 3300 నిట్స్ బ్రైట్‌నెస్ అందించబడింది. పిక్సెల్ 10 ప్రో ఎక్స్ఎల్‌లో 6.7 ఇంచుల క్వాడ్ హెచ్‌డీ+ 120Hz డిస్‌ప్లే, 3000 నిట్స్ బ్రైట్‌నెస్ లభిస్తుంది.