భీమునిపట్నం: స్వాతంత్య్ర దినోత్సవాన్ని పురస్కరించుకుని భీమునిపట్నంలోని ప్రభుత్వ డిగ్రీ కళాశాల విద్యార్థులు గురువారం వినూత్నంగా 'హర్ ఘర్ తిరంగా' కార్యక్రమాన్ని నిర్వహించారు.ఈ కార్యక్రమంలో భాగంగా విద్యార్థులు బీచ్‌ వద్ద భారత్‌ రూపాకృతిలో మానవహారం రూపొందించి, దేశభక్తిని చాటారు. అనంతరం బీచ్‌ నుంచి గంటస్తంభం వరకు జాతీయ పతాకాలతో ర్యాలీ నిర్వహించారు.ఈ సందర్భంగా కళాశాల ప్రిన్సిపాల్ డా. పి. సురేఖ మాట్లాడుతూ, ప్రతి పౌరుడు దేశాభివృద్ధిలో భాగస్వామ్యం కావాలని, దేశప్రగతికి స్ఫూర్తిగా నిలవాలని ఆకాంక్షించారు. ఈ కార్యక్రమంలో అధ్యాపకులు, విద్యార్థులు సైతం చురుకుగా పాల్గొన్నారు.