తెలంగాణలో వానాకాలం సీజన్‌ కోసం రైతులకు పంట రుణాల విడుదల ఊపందుకుంది. రాష్ట్ర ప్రభుత్వం ఈ సీజన్‌ కోసం రూ.52,290 కోట్లు లక్ష్యంగా పెట్టగా, ఇప్పటివరకు రూ.15,932.96 కోట్లు (30%) రుణాలు 9,68,792 మంది రైతులకు బ్యాంకులు మంజూరు చేశాయి. ఈసారి సీజన్‌ ప్రారంభంలోనే మంచి మొత్తంలో రుణాలు లభించడంతో రైతుల్లో ఉత్సాహం నెలకొంది. గత ప్రభుత్వంలో రుణమాఫీ సరిగ్గా అమలవ్వకపోవడంతో బ్యాంకులు వెనుకంజ వేశాయి. కానీ ప్రస్తుత ప్రభుత్వంలో ఎస్‌ఎల్‌బీసీ సమావేశాల ద్వారా లక్ష్యాలు స్పష్టంగా నిర్దేశించడంతో బ్యాంకులు తిరిగి చురుగ్గా వ్యవహరిస్తున్నాయి. 2018 డిసెంబర్ నుంచి 2023 డిసెంబర్ వరకు రూ.2 లక్షల వరకు ఉన్న పాత రుణాలను మాఫీ చేయడం ద్వారా సుమారు 25 లక్షల మంది రైతులకు రూ.21,000 కోట్ల మేర ఊరట లభించింది. దీంతో బ్యాంకుల నమ్మకమూ పునరుద్దరమైంది.