పెద్దపల్లి జిల్లా అంతర్గాం మండలంలోని శ్రీపాద ఎల్లంపల్లి ప్రాజెక్టుకు వరద నీరు భారీగా చేరుతోంది. ఎస్‌ఆర్‌ఎస్‌పి, కడెం ప్రాజెక్టులు, వర్షపాతం కారణంగా ప్రాజెక్టు ఇన్‌ఫ్లో 2.55 లక్షల క్యూసెక్కులకు చేరింది. దీంతో అధికారులు 35 గేట్లు ఎత్తి 3.46 లక్షల క్యూసెక్కుల నీటిని దిగువకు విడుదల చేస్తున్నారు. ప్రస్తుతం ప్రాజెక్టులో 16.79 టీఎంసీల నీరు నిల్వగా ఉంది. గోదావరి పరివాహక ప్రాంత ప్రజలు జాగ్రత్తగా ఉండాలని అధికారులు హెచ్చరించారు.