తెలంగాణ రాష్ట్రంలో మంగళవారం తీవ్ర వర్షాలు కొనసాగాయి. పలుచోట్ల ఎడతెరిపిలేని వానలు కురిశాయి. మంచిర్యాల జిల్లాలోని క‌న్నెప‌ల్లిలో అత్య‌ధికంగా 23.2 సెం.మీ. వర్షం నమోదైంది. అదే జిల్లాలోని భీమిని 22.5 సెం.మీ., తాండూరు 17.3 సెం.మీ., నెన్నెల 14.5 సెం.మీ. వర్షపాతం నమోదైంది. కుమ్రంభీం, భూపాలపల్లి, ములుగు జిల్లాల్లోనూ భారీ వర్షం పడింది.బుధవారం హన్మకొండ, జనగాం, మహబూబాబాద్, వరంగల్, యాదాద్రి భువనగిరి జిల్లాల్లో అతి భారీ వర్షాలు పడే అవకాశం ఉందని వాతావరణ శాఖ హెచ్చరించింది. ఈ జిల్లాలకు రెడ్ అలర్ట్ జారీ కాగా, హైదరాబాద్ సహా పలు జిల్లాలకు ఆరెంజ్ అలర్ట్ జారీ చేసింది.