బెట్టింగ్ యాప్‌ల కేసులో విచారణకు హాజరయ్యేందుకు గడువు కావాలంటూ సినీనటుడు రానా ఈడీకి వినతిని పంపారు. ఈడీ నుంచి నోటీసులు అందిన నేపథ్యంలో బుధవారం హాజరుకావాల్సిన రానా, తనకు ఇతర కార్యక్రమాలు ఉన్నందున కొంత సమయం కావాలని కోరారు. ఈ కేసులో మనీలాండరింగ్ అనుమానాలపై రానాతో పాటు ప్రకాశ్ రాజ్, విజయ్ దేవరకొండ, మంచు లక్ష్మి తదితరులకు కూడా నోటీసులు జారీ అయిన సంగతి తెలిసిందే. రానా విచారణకు హాజరయ్యే కొత్త తేదీపై ఇంకా స్పష్టత లేదు.