అనంతపురం జిల్లా బుక్కరాయ సముద్రం చెరువు కట్ట వద్ద ఉన్న ‘ముసలమ్మ’ అమ్మవారి ఆలయంలో నెల క్రితం జరిగిన చోరీ ఆశ్చర్యకరంగా ముగిసింది. దొంగలు ఎత్తుకెళ్లిన హుండీ డబ్బును మళ్లీ ఆలయంలో వదిలిపెట్టి వెళ్లారు. దొంగలు ఒక లేఖలో – “అమ్మవారి సొమ్ము దొంగిలించాక మా పిల్లలు అనారోగ్యం పాలయ్యారు. అందుకే డబ్బు తిరిగి ఇస్తున్నాం” అని రాశారు. లెక్కించినప్పుడు హుండీలో రూ.1,86,486 నగదు ఉన్నట్లు ఆలయ నిర్వాహకులు తెలిపారు. దొంగతనం అయిన డబ్బు తిరిగి రావడం అమ్మవారి మహిమగా భావిస్తున్నారు.