తెలంగాణ ఆర్టీసీ ప్రకారం, ఈ నెల 11 వరకు నడిచే స్పెషల్‌ బస్సుల్లో టికెట్ ధరలు 50 శాతం మేర పెంచినట్లు తెలిపింది. రద్దీ సమయంలో అదనపు బస్సులు నడపడం, ప్రయాణికులు లేకపోతే వాటిని తిరిగి తెచ్చే నిర్వహణ భారం వల్ల ఈ నిర్ణయం తీసుకున్నట్లు వివరించారు. 11వ తేదీ తర్వాత ఛార్జీలు మళ్లీ సాధారణంగా ఉండనున్నాయి. రాఖీ పండగ నేపథ్యంలో రాష్ట్రంలోని బస్టాండ్లలో భారీ రద్దీ కనిపిస్తోంది. ముఖ్యంగా సికింద్రాబాద్‌ జేబీఎస్‌, మియాపూర్‌, ఎం‌జీబీఎస్‌లలో బస్సుల కోసం ప్రయాణికులు వేచి చూస్తున్నారు. రాఖీ స్పెషల్‌ సర్వీసులు, ఆంధ్రప్రదేశ్‌ వెళ్లే బస్సులు పూర్తిగా నిండిపోయాయి.