కర్నూలు-విజయవాడ మధ్య ఇండిగో విమాన సర్వీసులు ప్రారంభమయ్యాయి. ఈ సేవలను పౌరవిమానయాన శాఖ మంత్రి రామ్మోహన్ నాయుడు ఢిల్లీ నుంచి వర్చువల్‌గా ప్రారంభించారు. ఇండిగో సంస్థ వారంలో మూడు రోజులు ఈ మార్గంలో విమానాలను నడపనుంది. భవిష్యత్తులో ప్రతిరోజూ సేవలు అందించేలా చర్యలు తీసుకుంటామని మంత్రి తెలిపారు. ఈ సందర్భంగా కర్నూలులో మంత్రి టీజీ భరత్ పాల్గొని ప్రయాణికులకు స్వాగతం పలికారు. ఇతర ప్రాంతాలకు కూడా విమాన సౌకర్యాలు విస్తరించనున్నట్లు సమాచారం.