యాదగిరిగుట్ట శ్రీ లక్ష్మీనరసింహ స్వామి దేవస్థానం సేవలకు అంతర్జాతీయ స్థాయిలో ప్రత్యేక గుర్తింపు లభించింది. కెనడా ఒట్టావాలో స్వామివారి కల్యాణ మహోత్సవం నిర్వహించినందుకు అక్కడి ప్రధాని మార్క్ కార్నీ అభినందనలు తెలిపారు. హిందూ సంప్రదాయాలు, ఐక్యత, ఆధ్యాత్మికతను ప్రశంసిస్తూ దేవస్థాన నిర్వాహకులకు లేఖ రాశారు. కెనడా సమాజంలో హిందూ కమ్యూనిటీ చేసిన కృషిని ప్రశంసించిన ఆయన, భవిష్యత్‌లో ఇలాంటి కార్యక్రమాలు కొనసాగాలని ఆశాభావం వ్యక్తం చేశారు. ఈ సందర్భంగా మంత్రి కొండా సురేఖ, ఈవో వెంకట్రావు సంతోషం వ్యక్తం చేశారు.