ఆసియా కప్ 2025 టీ20 జట్టులో యశస్వి జైస్వాల్‌కు చోటు లేకపోవడంపై సీనియర్ స్పిన్నర్‌ రవిచంద్రన్ అశ్విన్ స్పందించారు. జైస్వాల్ అద్భుత ఫామ్‌లో ఉన్నప్పటికీ ఎంపిక చేయకపోవడం అన్యాయం అని అన్నారు. జట్టు కోసం నిస్వార్థంగా ఆడే ఆటగాడిని ఇలా పక్కన పెట్టడం నిరాశ కలిగించిందని అశ్విన్ పేర్కొన్నారు. టెస్ట్, టీ20 ఫార్మాట్లలోనూ జైస్వాల్ మెరుగ్గా రాణిస్తున్నాడని, స్ట్రయిక్‌రేట్‌ 165తో ఆడుతున్నాడని గుర్తు చేశారు. అలాంటి ఆటగాడిని ప్రోత్సహించకుండా తప్పించడం తప్పు అని విమర్శించారు. అదే సమయంలో గిల్‌ను వైస్ కెప్టెన్‌గా నియమించడం భవిష్యత్‌ కెప్టెన్సీ దృష్టితో తీసుకున్న నిర్ణయమని అన్నారు. అయితే ఈ నిర్ణయం సంజు సామ్సన్ అవకాశాలపై ప్రభావం చూపవచ్చని అశ్విన్ అభిప్రాయపడ్డారు.