జార్ఖండ్ మాజీ సీఎం, జేఎంఎం అధినేత శిబూ సోరెన్ మృతిపట్ల బీఆర్ఎస్ నాయకుడు కేసీఆర్ సంతాపం ప్రకటించారు. దేశంలోని ప్రాంతీయ రాజకీయాలు, ఫెడరల్ వ్యవస్థ, ఆదివాసీ హక్కులకు ఆయన పోరాటం మరిచిపోలేనిదని తెలిపారు. శిబూ సోరెన్‌తో తన అనుబంధాన్ని, తెలంగాణ ఉద్యమానికి అందించిన మద్దతును గుర్తు చేశారు. జార్ఖండ్ రాష్ట్ర ఉద్యమం ప్రత్యేక తెలంగాణ ఆవిర్భావానికి ప్రేరణగా నిలిచిందని కేసీఆర్ పేర్కొన్నారు.