లెజెండ్స్ లీగ్ క్రికెట్ (LLC) నాల్గో సీజన్ నవంబర్ 19 నుంచి భారత్‌లో ప్రారంభం కానుంది. ఈ టోర్నమెంట్ డిసెంబర్ 13 వరకు కొనసాగనుంది. "బోల్డర్, బిగ్గర్, బ్రైటర్" అనే థీమ్‌తో ఈసారి లీగ్ మరింత వైభవంగా నిర్వహించనున్నారు. ఈ సీజన్‌లో మ్యాచ్‌లు పెరిగినప్పటికీ, అధికారికంగా వేదికలు త్వరలో ప్రకటించనున్నారు. బిల్వరా కింగ్స్, గుజరాత్ జెయింట్స్, ఇండియా క్యాపిటల్స్, మణిపాల్ టైగర్స్, సదరన్ సూపర్‌స్టార్స్, అర్బన్‌రైజర్స్ హైదరాబాద్ జట్లు పాల్గొంటాయి. గత సీజన్‌లో శిఖర్ ధావన్, సురేశ్ రైనా, క్రిస్ గేల్, గౌతం గంభీర్, హషీం అమ్లా వంటి దిగ్గజాలు ఆకట్టుకున్నారు. ఈ సారి కూడా స్టార్ ఆటగాళ్ల నుంచి అదే స్థాయి ఆటతీరు ఆశిస్తున్నారు. టోర్నీ నిర్వహణ ద్వారా భారత క్రికెట్ మళ్లీ ప్రపంచ దృష్టిని ఆకర్షించనుంది.