1857 తిరుగుబాటులో ధైర్యంగా పోరాడిన ఝాన్సీ రాణి లక్ష్మీబాయి జీవితం దేశానికి స్ఫూర్తిగా నిలిచింది. వీరమరణం పొందిన తర్వాత ఆమె దత్తత కుమారుడు దామోదర్‌రావు ఇండోర్‌ నగరంలో సాధారణ జీవితం గడిపినట్టు సమాచారం. ఆయన తరవాత ఐదు తరాలు చీకటిలోనే జీవించాయి. వంశవృద్ధి ఇప్పటికీ కొనసాగుతుండగా, ప్రస్తుతం ఆరవ తరం వారసుడు ఒక సాఫ్ట్‌వేర్ కంపెనీలో ఉద్యోగిగా జీవిస్తున్నాడు. 'ఝాన్సీవాలే' పేరిట తమ వారసత్వ గుర్తింపును కొనసాగిస్తున్న ఈ కుటుంబాన్ని కేంద్ర, రాష్ట్ర ప్రభుత్వాలు ఇప్పటికీ గుర్తించలేకపోయాయి. వీరి కథ సోషల్ మీడియాలో వైరల్ అవుతూ, ఝాన్సీ వారసుల స్థితిగతులపై ఆసక్తికర చర్చలకు దారి తీస్తోంది.