ఏపీ మంత్రి నారా లోకేష్ మరియు మహీంద్రా గ్రూప్ అధినేత ఆనంద్ మహీంద్రా మధ్య ‘ఎక్స్’ (ట్విట్టర్) వేదికగా ఆసక్తికర సంభాషణ జరిగింది. ఫ్యూరియో-8 ట్రక్కులను పరిచయం చేస్తూ ఆనంద్ మహీంద్రా తెలుగులో ఓ ప్రకటన ట్వీట్ చేయగా, నారా లోకేష్ స్పందిస్తూ – “తెలుగు యాడ్ బాగుంది సార్, ఏపీ మహీంద్రా వాహనాలకు పెద్ద మార్కెట్. రాష్ట్రంలో తయారీ కేంద్రాన్ని నెలకొల్పాలా?” అని ఆహ్వానం తెలిపారు. దీనిపై ఆనంద్ మహీంద్రా సానుకూలంగా స్పందిస్తూ, ఏపీలో అవకాశాలు విస్తృతంగా ఉన్నాయని, ఇప్పటికే పలు రంగాల్లో చర్చలు కొనసాగుతున్నాయని తెలిపారు. ఈ సంభాషణపై నెటిజన్లలో విశేష ఆసక్తి నెలకొంది.