ఉత్తరప్రదేశ్‌లోని బలరాంపూర్‌లో హృదయాన్ని కలిచివేసే ఘటన జరిగింది. ఓ 21 ఏళ్ల వికలాంగ యువతిపై నలుగురు గుర్తుతెలియని వ్యక్తులు సామూహిక అత్యాచారానికి పాల్పడ్డారు. ఆమె తన మామయ్య ఇంటి నుంచి ఇంటికి నడుచుకుంటూ వెళ్తుండగా బైక్‌లపై వచ్చిన నిందితులు కిడ్నాప్‌ చేసి శూన్య ప్రదేశానికి తీసుకెళ్లి ఈ దారుణానికి ఒడిగట్టారు.సీసీటీవీ ఫుటేజీలో నిందితులు ఆమెను వెంబడిస్తున్న దృశ్యాలు రికార్డయ్యాయి. ఆలస్యంగా ఇంటికి రాకపోవడంతో కుటుంబ సభ్యులు వెతకగా, ఆమె పోలీస్‌స్టేషన్‌కు సమీపంలోని పొదల్లో అపస్మారక స్థితిలో కనిపించింది. హాస్పిటల్‌కు తరలించగా, స్పృహకు వచ్చాక జరిగిన విషయం వెల్లడించింది. కేసు నమోదు చేసిన పోలీసులు ఇద్దరిని అరెస్ట్‌ చేశారు.