హైదరాబాద్: తెలంగాణ బీజేపీ రాష్ట్ర అధ్యక్ష పదవికి నామినేషన్ల ప్రక్రియ కొనసాగుతున్న సమయంలో గోషామహాల్ ఎమ్మెల్యే రాజా సింగ్ కీలక నిర్ణయం తీసుకున్నారు. ఆయన సోమవారం బీజేపీకి రాజీనామా చేశారు.తన రాజీనామా లేఖను బీజేపీ రాష్ట్ర అధ్యక్షుడు, కేంద్ర మంత్రి జి. కిషన్ రెడ్డికి స్వయంగా అందజేశారు. నామినేషన్ వేయడానికి వచ్చిన సమయంలో తనను అడ్డుకున్నారని రాజా సింగ్ పేర్కొన్నారు. పార్టీ లోపల జరుగుతున్న పరిణామాలను చూసి ఈ నిర్ణయం తీసుకున్నట్లు స్పష్టం చేశారు.