కృష్ణా నదిలో వరద పెరగడంతో మంగళవారం నాగార్జునసాగర్‌ జలాశయంలో 14 గేట్లను మంత్రులు ఉత్తమ్‌కుమార్‌రెడ్డి, అడ్లూరి లక్ష్మణ్‌లు 5 అడుగుల మేర ఎత్తారు. అయితే కార్యక్రమానికి ముందు బేగంపేట్‌ ఎయిర్‌పోర్టులో ఉత్తమ్‌, కోమటిరెడ్డి మధ్య వాగ్వాదం జరిగింది. మంత్రి ఉత్తమ్ ఆలస్యంగా రావడంతో కోపంగా కోమటిరెడ్డి అక్కడి నుంచే వెనుదిరిగిపోయారు. చివరికి ఉత్తమ్‌, లక్ష్మణ్‌ మాత్రమే సాగర్‌ వెళ్లి గేట్లు ఎత్తారు. జూలై నెలలో సాగర్‌ ఈ స్థాయిలో నిండటం 18 ఏళ్లలో ఇదే ప్రథమమని అధికారులు తెలిపారు.