ఆంధ్రప్రదేశ్ ప్రభుత్వం నూతన బార్ పాలసీని ప్రకటించింది. ఇందులో భాగంగా బార్ లైసెన్స్ ఫీజును భారీగా తగ్గించింది. ఇకపై 50 వేల జనాభా ఉన్న పట్టణాల్లో రూ.35 లక్షలు, 50 వేల నుంచి 5 లక్షల జనాభా ఉన్న చోట రూ.55 లక్షలు, 5 లక్షలకు పైగా జనాభా ఉన్న నగరాల్లో రూ.75 లక్షలు మాత్రమే ఫీజు చెల్లించాల్సి ఉంటుంది. అంతేకాకుండా, లైసెన్స్ ఫీజును ఆరు వాయిదాల్లో చెల్లించే అవకాశం కల్పించారు. దరఖాస్తు ఫీజును రాష్ట్రవ్యాప్తంగా ఒకేలా రూ.5 లక్షలుగా నిర్ణయించారు. ఈ మార్పులు వ్యాపారులకు ఆర్థికంగా ఊరట కలిగించేలా ఉంటాయని ఎక్సైజ్ కమిషనర్ తెలిపారు.