ఏప్రిల్ 22న జమ్మూ కాశ్మీర్‌లోని పహల్గాంలో జరిగిన ఉగ్రదాడికి పాకిస్థాన్ గూఢచార సంస్థ ఐఎస్‌ఐ, ఉగ్రసంస్థ లష్కరే తోయిబా (LET) జవాబుదారులని తాజా నివేదికలు వెల్లడించాయి. ఈ దాడిలో 26 మంది అమాయకులు ప్రాణాలు కోల్పోయారు. సాజిద్ జుట్, మాజీ కమాండో సులేమాన్ నేతృత్వంలో ఈ దాడి జరిగింది. కాశ్మీరీ ఉగ్రవాదులు కాకుండా, విదేశీ (పాక్) ఉగ్రవాదులే ఇందులో పాల్గొన్నారు. పర్వేజ్ అహ్మద్, బషీర్ అహ్మద్ వంటి స్థానికులు సహకారంతో ఆశ్రయం, ఆహారం అందించినట్టు భావిస్తున్నారు. ఈ దాడిపై అధికారులు లోతుగా విచారణ జరుపుతున్నారు.