పాకిస్థాన్‌ నటి, మోడల్ హుమైరా అస్గర్ అలీ అనుమానాస్పద స్థితిలో మృతిచెందారు. కరాచీలోని తన ఫ్లాట్‌లో ఆమె శవంగా కనిపించారు. స్థానికులు సమాచారం ఇవ్వడంతో పోలీసులు వెళ్లి డోర్ తెరిచి చూసి ఆమె మృతదేహాన్ని వెలికితీశారు. గత కొన్ని రోజులుగా ఆమె కనిపించకపోవడంతో అనుమానం కలిగినట్టు తెలుస్తోంది. ప్రాథమికంగా ఇది సహజ మృతిగా భావిస్తున్నామని పోలీసులు తెలిపారు. హుమైరా ‘తమాషా ఘర్’, ‘జలైబీ’ వంటి టీవీ, సినిమా ప్రాజెక్టుల్లో నటించి గుర్తింపు తెచ్చుకుంది.