ఉత్తరప్రదేశ్‌ బాగ్‌పత్‌లో ఓ పోలీసు కానిస్టేబుల్‌ దురుసుగా ప్రవర్తించిన వీడియో సోషల్ మీడియాలో వైరల్‌గా మారింది. ఖేక్రా ప్రాంతంలో రోడ్డుపై నిలబడి ఉన్న యువకుడిని కానిస్టేబుల్ చెంపదెబ్బలతో కొట్టుతూ, దుర్భాషలాడిన దృశ్యాలు అందులో స్పష్టంగా కనిపిస్తున్నాయి. "మాట్లాడితే దెబ్బలు తినాల్సిందే" అంటూ అతను ఆ యువకుడిని బెదిరించినట్లు వీడియోలో వినిపించింది. ఈ ఘటనపై నెటిజన్లు తీవ్రంగా స్పందిస్తూ, పోలీసుల వ్యవహారశైలి పట్ల విమర్శలు గుప్పిస్తున్నారు.