గాంధీభవన్‌లో 'క్విట్ ఇండియా' దినోత్సవాన్ని టీపీసీసీ అధ్యక్షుడు మహేశ్‌కుమార్‌ గౌడ్ జరిపారు. ఈ సందర్భంగా మాట్లాడుతూ, గాంధీ డూ ఆర్ డై నినాదంతో బ్రిటిష్ వ్యతిరేక ఉద్యమాన్ని ప్రారంభించారని గుర్తుచేశారు. ప్రస్తుతం భాజపా రాజ్యాంగాన్ని దెబ్బతీసే ప్రయత్నాల్లో ఉందని, ఎన్నికల కమిషన్ కూడా ప్రభుత్వ అనుకూలంగా వ్యవహరిస్తోందని విమర్శించారు. ‘‘క్విట్ భాజపా అనేదే దేశాన్ని రక్షించే మార్గం’’ అని పేర్కొన్నారు. కాంగ్రెస్‌ పార్టీ ప్రజాస్వామ్యం కాపాడేందుకు పోరాడుతోందన్నారు.