లార్డ్స్‌ టెస్టులో భారత్‌పై విజయం సాధించిన ఇంగ్లండ్‌ జట్టు నాలుగో టెస్టుకి జోష్‌తో సిద్ధమవుతోంది. అండర్సన్-టెండూల్కర్ ట్రోఫీలో ఆధిక్యంలోకి వెళ్లిన ఇంగ్లండ్‌ బృందం ఇప్పుడు స్పిన్ బలాన్ని పెంచే దిశగా అడుగులు వేస్తోంది. లార్డ్స్‌ టెస్టులో భారత బ్యాటర్ కేఎల్ రాహుల్ క్యాచ్ ప్రయత్నంలో షోయబ్ బషీర్ చేతి వేలికి గాయం కాగా, అతను మిగిలిన సిరీస్‌కు దూరమయ్యాడు. అతడి స్థానంలో సెలెక్టర్లు లెఫ్ట్ ఆర్మ్ స్పిన్నర్ లియాం డాసన్ను నాలుగో టెస్టు జట్టు కోసం ఎంపిక చేశారు. డాసన్‌కు ఇది టెస్టు క్రికెట్‌లో తిరిగి అవకాశంగా నిలిచింది. ఆయన చివరి టెస్టు 2018లో ఆడిన తర్వాత ఇది అతనికి మళ్లీ అవకాశం. హ్యాంప్‌షైర్ తరఫున కౌంటీల్లో తన ప్రదర్శనతో ఆకట్టుకున్న డాసన్ ఇప్పుడు ఐదేళ్ల తర్వాత జట్టులోకి రీఎంట్రీ చేసేందుకు సిద్ధమయ్యాడు.