స్టాక్ మార్కెట్‌లో బిగ్ బుల్గా గుర్తింపు పొందిన రాకేష్ జున్‌జున్‌వాలా జీవితం ఎంతో మందికి ప్రేరణగా నిలిచింది. సాధారణ మధ్య తరగతి కుటుంబంలో పుట్టిన రాకేష్, తన పెట్టుబడి ప్రయాణాన్ని కేవలం రూ.5వేలు తీసుకొని ప్రారంభించారు.1960 జూలై 5న జన్మించిన ఆయన, వృత్తిరీత్యా చార్టెడ్ అకౌంటెంట్. ఆయన తండ్రి ఆదాయపు పన్ను శాఖలో పనిచేసే సమయంలో కుటుంబంతో కలిసి హైదరాబాద్‌లో నివసించారు. చిన్ననాటి నుంచే వార్తాపత్రికలు చదివే అలవాటు వల్ల వ్యాపార, ఆర్థిక రంగాలపై మంచి అవగాహన ఏర్పడింది.తొలి పెట్టుబడిగా తీసుకున్న రూ.5వేలతో టాటా టీ షేర్లను రూ.43 వద్ద కొనుగోలు చేసిన రాకేష్, మూడు నెలల్లోనే వాటి ధర రూ.143కు చేరడంతో మంచి లాభాన్ని సంపాదించారు. తదుపరి టాటా పవర్, సెసాగోవా ఫర్నిచర్ వంటి స్టాక్స్‌లో పెట్టుబడి పెట్టి విశేషంగా లాభపడ్డారు.