2023కి గాను ప్రకటించిన 71వ జాతీయ చలనచిత్ర పురస్కారాల్లో తెలుగు చిత్రాలకు మంచి గుర్తింపు లభించింది. ఉత్తమ తెలుగు చిత్రంగా నందమూరి బాలకృష్ణ నటించిన భగవంత్ కేసరి ఎంపికైంది. అనిల్ రావిపూడి దర్శకత్వంలో తెరకెక్కిన ఈ సినిమాలో శ్రీలీల, కాజల్ ముఖ్య పాత్రల్లో నటించారు. అలాగే, ఉత్తమ యాక్షన్ కోరికొగ్రఫీ విభాగంలో హను-మాన్ సినిమా అవార్డు గెలుచుకుంది. ఉత్తమ గేయ రచయితగా బలగం సినిమాలోని "ఊరు పల్లెటూరు" పాటకు కాసర్ల శ్యామ్‌కు పురస్కారం లభించింది. ఈసారి తెలుగు సినిమాలకు జాతీయ స్థాయిలో మరింత గుర్తింపు దక్కినట్టు cine పరిశ్రమ ఆనందం వ్యక్తం చేస్తోంది.