స్కాలర్‌షిప్ బకాయిల సమస్యను అసెంబ్లీలో ప్రస్తావించి కాంగ్రెస్ ప్రభుత్వాన్ని నిలదీస్తామని బీఆర్‌ఎస్ వర్కింగ్ ప్రెసిడెంట్ కేటీఆర్ తెలిపారు. నిజాం కాలేజీకి చెందిన విద్యార్థిని సుమన సోషల్ మీడియాలో తన సమస్యను వివరించగా, కేటీఆర్ స్పందించారు. తాము ఫీజులు చెల్లించలేక ఇబ్బందులు పడుతున్నామని, పెండింగ్‌లో ఉన్న స్కాలర్‌షిప్‌లను తక్షణమే విడుదల చేయాలని సుమన కోరింది. ఈ అంశాన్ని ప్రభుత్వ దృష్టికి తీసుకెళ్తానని కేటీఆర్ హామీ ఇచ్చారు.