బాపట్ల జిల్లా అమర్తలూరు మండలంలో విషాదకర రోడ్డు ప్రమాదం చోటుచేసుకుంది. శనివారం సూర్యలంక బీచ్‌ నుంచి తిరిగి వస్తుండగా, విజయవాడకు చెందిన ఏడుగురు యువకులు ప్రయాణిస్తున్న కారు అదుపుతప్పి పంట కాలువలోకి దూసుకెళ్లింది. ఈ ప్రమాదంలో ఆరుగురు కారు అద్దాలు పగలగొట్టి బయటపడగా, పవన్ అనే యువకుడు నీటమునిగి ప్రాణాలు కోల్పోయాడు. ఈ దుర్ఘటన ప్యాపర్రు – యలవర్రు గ్రామాల మధ్య చోటు చేసుకుంది. ఘటనపై పోలీసులు కేసు నమోదు చేసి దర్యాప్తు చేస్తున్నారు.