గోల్కొండ కోటలో పంద్రాగస్టు వేడుకల రిహార్సల్స్‌ను సీఎస్ రామకృష్ణారావు బుధవారం పరిశీలించారు. సీఎం రేవంత్ రెడ్డి జాతీయ పతాకాన్ని ఆవిష్కరించనున్న వేడుకలను ఘనంగా నిర్వహించేందుకు అన్ని ఏర్పాట్లు చేపట్టాలని ఆయన అధికారులను ఆదేశించారు. వర్ష సూచనల నేపథ్యంలో షెడ్లు, మెడికల్ క్యాంపులు, గ్యాలరీలు, జనరేటర్లు, సౌండ్ సిస్టమ్‌లు, ట్రాఫిక్, పార్కింగ్, భద్రత తదితర అంశాలపై ప్రత్యేక దృష్టి సారించాలని సూచించారు.విద్యుత్, రెవెన్యూ, వైద్య, జీహెచ్ఎంసీ, హెచ్ఎండీఏ అధికారులు ఏర్పాట్ల వివరాలను వెల్లడించారు. అన్ని శాఖలు సమన్వయంతో పనిచేయాలని సీఎస్ స్పష్టం చేశారు. కార్యక్రమంలో పలువురు ఉన్నతాధికారులు పాల్గొన్నారు.