భద్రాచలం వద్ద గోదావరి నీటిమట్టం శనివారం ఉదయం 32.5 అడుగులు దాటి ప్రవహిస్తోంది. ఎగువ నుంచి వస్తున్న వరద, రాష్ట్రవ్యాప్తంగా కురుస్తున్న వర్షాలు నీటిమట్టాన్ని పెంచుతున్నాయి. స్నాన ఘట్టాల మెట్లు వరద నీటిలో మునిగాయి. పర్ణశాల వద్ద నార చీరల ప్రాంతం వరద నీటిలో మునిగిపోవడంతో పర్యాటకులకు నిలిపివేశారు. తాలిపేరు జలాశయానికి భారీగా వరద చేరుతుండగా, పట్టణంలోకి నీరు ప్రవేశించకుండా అధికారులు మోటార్లతో జాగ్రత్తలు తీసుకుంటున్నారు.