తెలుగు రాష్ట్రాల్లో గంజాయి ఉత్పత్తి, రవాణాపై పోలీస్ చర్యలు కఠినంగా కొనసాగుతుండటంతో, అక్రమదందాల నిర్వహణలో ఉన్నవారు కొత్త మార్గాలు ఎంచుకుంటున్నారు. తాజాగా గంజాయిని చాక్లెట్ల రూపంలో దొంగదారి మార్గంగా విక్రయించటం కలకలం రేపుతోంది.విజయవాడతో పాటు ఇతర ప్రాంతాల్లో చిన్న దుకాణాల్లో ఈ గంజాయి చాక్లెట్లు విక్రయించబడుతుండగా, రైళ్లలో కూడా గంజాయి చాక్లెట్లు కనిపించటం అధికారులు గమనించారు. పక్కా ప్యాకింగ్‌లో ఉండే ఈ చాక్లెట్లు చూస్తే సాధారణ మిఠాయిలా అనిపిస్తున్నప్పటికీ, లోపల గంజాయి మిశ్రమం ఉన్నట్టు గుర్తించారు.ఈ అక్రమ రవాణా, విక్రయాలపై ఈగిల్ బృందాలు దృష్టిసారించి దర్యాప్తు ముమ్మరం చేస్తున్నాయి. ప్రజలు అప్రమత్తంగా ఉండాలని, అనుమానాస్పద వస్తువుల గురించి పోలీసులకు సమాచారం అందించాలని అధికారులు సూచిస్తున్నారు.