ఏపీ డీజీపీ కార్యాలయంలో ఎస్పీ (అడ్మిన్)గా పనిచేస్తున్న సిద్ధార్థ్ కౌశల్ స్వచ్ఛందంగా ఐపీఎస్ ఉద్యోగానికి రాజీనామా చేశారు. అమరావతిలో మీడియాతో మాట్లాడుతూ, తాను ఒత్తిళ్ల వల్ల కాదు, మంచి అవకాశాల దృష్ట్యా ఈ నిర్ణయం తీసుకున్నట్టు తెలిపారు. ప్రస్తుతం ఐఐఎం విద్యార్థిగా ఉండటంతో, భవిష్యత్తులో మరింత విశిష్టంగా సేవలందించాలనే లక్ష్యంతో రాజీనామా చేశానన్నారు. కుటుంబ సభ్యులతో చర్చించి ఈ నిర్ణయం తీసుకున్నట్టు తెలిపారు. ఏపీ తనకు సొంత రాష్ట్రంగా భావిస్తున్నానని, ప్రభుత్వానికి, సీనియర్లకు, సహచరులకు కృతజ్ఞతలు తెలిపారు. గతంలో ఆయన కృష్ణా, ప్రకాశం, వైఎస్ఆర్ జిల్లాల్లో ఎస్పీగా సేవలందించారు.